Ամանորյա հնգամարտը ագարակում

 

Ամանորյա ագարակում նետաձգության անկյունը շատ ակտիվ և  հետաքրքրաշարժ էր` թե’ դասավանդողների և թե’ սովորողների համար:

Ցանկացողները ծանոթանում էին տվյալ մարզաձևին, նախ իմ օգնությամբ, ապա ինքնուրույն փորձում կրակել: Իսկ Դավիթի հետաքրքրությունը անսպառ էր և ամենուր:

Advertisements

Որտեղ սեբաստացի՝ այնտեղ հաղթանակ․ մրցաշարի ամփոփում

Դեկտեմբերի 24-ին միջազգային մրցումների եզրափակիչ փուլն էր, որին մասնակցեցին Հայաստանի թիմի բոլոր մարզիկները (ըստ նախորդ օրվա ստուգարքային բարձր արդյունքների բոլորս անցանք եզրափակիչ փուլ)։
Երեք երկրների մարզիկները՝ ըստ ծրագրի, պետք է կրակեին հետևյալ երեք ձևերում.
1. Անհատական (աղջիկներ, տղաներ, մեծեր (20-ից բարձր), փոքրեր(մինչև 20 տարեկան))
2. Միքս՝ համատեղ՝ աղջիկ և տղա (կրակում են յուրաքանչյուր երկրից կազմված զույգեր)
3. Թիմային (3 հոգուց կազմված)
Մեր մարզիկները ինչպես միշտ աչքի ընկան բարձր արդյունքներով և զբաղեցրին պատվավոր տեղեր։
Իսկ որտեղ կա հաղթանակ այնտեղ կան անկասկած սեբաստացիներ։
Ես այս մրցաշարում անհատական պայքարում զբաղեցրի 3-րդ տեղը՝ ստացա բրոնզե մեդալ և գավաթ, իսկ թիմային պայքարում 2-րդ տեղը՝ արծաթե մեդալ և գավաթ։
Անհատական մեծերի և փոքրերի պայքարում առաջին տեղ զբաղեցնող մարզիկները նույնպես մեր տղաներն էին։
Հայաստանի աղջիկների թիմը կազմված էր 2 հոգուց, որից մի հոգին կրկին սեբաստացի ուսուցիչ էր՝ Արաքս Հովհաննիսյանը, ով ընդամենը երեք ամիս է, որ զբաղվում է նետաձգությամբ, բայց կարողացավ ստանալ միջազգային մրցման մասնակցության անցագիր։ Անհատական աղջիկների պայքարում Արաքսը 15 հոգու մեջ զբաղեցրեց 4-րդ տեղը, աղջիկների թիմային պաքարում՝ մի հոգու պակասի պատճառով կազմվեց ինտերնացիոնալ թիմ՝ մեր աղջիկներին միացավ ևս մի աղջիկ Թուրքիայի թիմից։ Առաջին Փուլում նրանք պայքարեցին Վրաստանի թիմի հետ և 6-0 հաշվով հաղթեցին։ Երկրորդ շրջանում պայքարում էին 3-րդ տեղի համար՝ Թուրքիայի թիմի դեմ, սակայն պարտվեցին և զբաղեցրին 4-րդ տեղը՝ 7 թիմերի մեջ։
Այսպիսով մենք մեզ հետ հայաստան ենք բերում 4 գավաթ եվ 6 մեդալ։

 

 

Նետաձգության միջազգային մրցաշար Վրաստանում. օր առաջին

84431BFD-6218-4CBA-AD22-BA2FECF33007

Այսօր Վրաստանում կայանալիք ՝ նետաձգության միջազգային մրցաշարի առաջին օրն էր։ Օրը բավականին հագեցած էր՝ լի նոր տպավորություններով, ծանոթություններով։
Մրցաշարին մասնակցում են Հայաստանի, Վրաստանի (Կուտայիսի, Թբիլիսի, Բաթումի), Թուրքիայի հավաքականները։

 

 

Նետաձգության պատմություն

Նետաձգությունը, որպես սպորտաձև առաջացել է 15-րդ դարում՝ Շվեցարիայում։ Քարեդարյան ժամանակներից, մինչև հրազենի առաջացումն այն եղել է սնունդ հայթայթելու, ինքնապաշտպանության միջոց։ Բայց հետագայում դրա կարևորությունը նվազում է, քանի որ մարտական գործողություններում արդեն օգտագործում էին հրազեն․ այդ ժամանակ էլ սկսեց զարգանալ նետաձգությունը, որպես սպորտաձև։

Տվյալ սպորտաձևի հետևորդները միշտ շատ են եղել, և որոշները նույնիսկ նետը համարում էին գնդակից վտանգավոր։ Բազում անգամներ մրցաշարեր են կազմակերպվել նետաձիգների և հրաձիգների միջև։ Վերջին այդպիսի մրցաշարն անց է կացվել Անգլիայում՝ 1972 թ-ին ․ մասնակիցները կատարել են 20 կրակոց՝ 91 մ․ տարածության վրա։ Թիրախի վրա հայտնվել էին 16 նետ և 12 գնդակ։ Եվ զարմանալի չէ, որ նույնիսկ 100 տարի անց աղեղը փորձառու նետաձիգի ձեռքում համարվում է ամենավտանգավոր զենքը։

Օլիմպիական շարժման զարգացումը, որը սկսվեց առաջին օլիմպիական կոնգրեսից հետո՝ 1894 թ-ին՝ Փարիզում, նույնպես իր դերն ունեցավ նետաձգության, որպես սպորտաձևի, կայացման մեջ։ 1900 թ-ին՝ երկրորդ Օլիմպիական խաղերի ժամանակ, անցկացվեցին տվյալ սպորտաձևի  առաջին պաշտոնական մրցաշարերը։ 1904, 1908 և 1920 թվականներին նույնպես նետաձգությունը մտավ Օլիմպիադայի ծրագրի մեջ։ 1924 թ-ին Միջազգային Օլիմպիական կոմիտեն որոշեց ճանաչել տվյալ դիսցիպլինը անհրաժեշտ ծրագիր։ 1965 թ-ին այդ որոշումը փոխվեց, սակայն 1972 թ-ից նետաձգությունը կրկին դարձավ պարտադիր Օլիմպիական սպորտաձև։

1931 թ-ին Լեհաստանում ստեղծվել է նետաձգության Միջազգային Ֆեդերացիան։ Այժմ դրա մեջ մտնում են գրեթե 140 ազգային կազմակերպություններ։

Հայաստանում նետաձգությունը սկսել է զարգանալ 1967թ-ից: Հայ նետաձիգները առաջին անգամ նետաձգության մրցումներին մասնակցել են 1968թ.-ին կայացած ԽՍՀՄ առաջնությանը:1969 թ.-ին Հայաստանի Նետաձգության ազգային ֆեդերացիան դարձել է Նետաձգության միջազգային ֆեդերացիայի անդամ: Փորձի փոխանակման նպատակով Ռուսաստանից հրավիրվել էին մասնագետներ: 1993թ-ին Հայաստանի Նետաձգության ազգային ֆեդերացիան դարձել է աշխարհի և Եվրոպայի նետաձգության անդամ:Այդ տարիներից սկսած՝ իր աշխատասիրության շնորհիվ, Հայաստանի Նետաձգության հավաքականը մասնակցել է աշխարհի և Եվրոպայի տարբեր առաջնությունների՝ գրավելով բարձր հորիզոնականներ:
2014թ.-ը նշանակալի դեր ունեցավ Հայաստանի նետաձգության ազգային հավաքականի համար, քանի որ հավաքականը մասնակցեց ոչ միայն Եվրոպայի առաջնությանը, այլև WAE-ի կոնգրեսին:

Այսօր ևս հայ նետաձիգները մարզվում են հագեցած օրակարգով. մեկնարկել է «Նետաձգության ֆեդերացիայի 2015թ.-ի ձմեռային առաջնությունը», որի արդյունքում, 16տարեկանից բարձր տղամարդկանց առաջնության մեջ առաջին պատվավոր հորիզոնականը զբաղեցրեց Գևորգ Հազարումյանը, իսկ աղջիների պայքարում՝ Նունե Վասիլյանը:

2009 թ-ին Հայաստանում տեղի է ունեցել Եվրոպայի առաջնություն, որի ժամանակ խաղարկվում էր Բաքվի Եվրոպական խաղերին մասնակցության ուղեգիր։

Նորից հաղթանակ

Նետաձգության ֆեդերացիայի նախաձեռնությամբ, սեպտեմբերի 15-18-ը, Ծովինար գյուղի մոտ գտնվող երկրապահ կամավորականների ճամբարում կայացավ  ‹‹ Հայկի նետեր›› միջազգային մրցաշարը: Մրցաշարին մասնակցում էին Հայաստանի, Վրաստանի և Ղազախստանի հավաքականները: Անհատական պայքարում գրավեցի` 4-րդ, իսկ թիմային պայքարում 2-րդ տեղը:

Սովորող-սովորեցնող

Երեխաները սովորեցին՝ ինչ է հարկավոր անել, երբ դաշտային պայմաններում ինչ-որ մեկը գիտակցությունը կորցնում է, կամ կոտրվածք ստանում: Ծանոթացան հետախուզական զենքերի հետ, սովորեցին դաշույն նետել, ինչպես նաև շատ զինվորական գաղտնիկների ու հմտություններին ծանոթացան: